Жастық өмір

Жастар – қоғамның ең белсенді әрі жаңашыл бөлігінің бірі. Бүгінде жас буын жаңа идеялар ұсынып, тың бастамаларды жүзеге асырып, қоғамдық өмірге белсенді араласу арқылы елдің дамуына өз үлесін қосып келеді. Дегенмен азаматтық белсенділік тек ауқымды жобалар мен үлкен бастамалардан тұрмайды. Ол ең алдымен күнделікті өмірдегі қарапайым әрекеттерден, жеке жауапкершіліктен және айналада болып жатқан жағдайларға бейжай қарамаудан басталады. Осы бағытта Біржан сал ауданының Жастар ресурстық орталығы ұйымдастырған «Жастар және қоғам: жауапкершілік пен бастама» тақырыбында жастармен кездесу өткізілді. Кездесудің негізгі мақсаты – жастарға дайын ақпарат ұсыну ғана емес, олардың өз ойларын еркін білдіруіне, пікір алмасуына және қоғамдағы өз рөлін түсінуіне мүмкіндік беру…

  Ақмола облысының Зеренді ауданындағы «Сұңқар» сауықтыру кешенінде жастарға арналған дәстүрлі «Жалынды Jastar CAMP-2026» оқыту лагері ұйымдастырылды. Іс-шараны Ақмола облысы ішкі саясат басқармасының «Жастар-ресурстық орталығы» КММ өткізді. Лагерьдің негізгі мақсаты – өңірдегі жастар ресурстық орталықтарының басшыларын, белсенді жастар мен волонтерлік ұйым өкілдерін біріктіріп, жастар көшбасшыларын қолдау, тәжірибе алмасу алаңын қалыптастыру және үздік волонтерлерді анықтау болды. Екі күнге созылған лагерьге Ақмола облысының қала-аудандарынан келген 140-қа жуық жас қатысты. Олардың қатарында жастар ресурстық орталықтарының басшылары мен мамандары, белсенді жастар, волонтерлік ұйым жетекшілері, сондай-ақ Қарағанды, Қостанай, Солтүстік Қазақстан, Шығыс Қазақстан, Атырау, Павлодар және Ұлытау облыстарынан келген жастар саясаты саласының мамандары болды. Іс-шараның ашылу…

Елімізде «Таза Қазақстан» акциясы аясында экологиялық бағыттағы түрлі жоба жүзеге асырылуда. Акцияның негізгі мақсаты тек көшелер мен табиғат аясын тазалықта ұстау ғана емес, келер ұрпақты ұқыптылық пен жауапкершілікке тәрбиелеу. Жастардың бойында экологиялық сана қалыптастырып, қоршаған ортаға деген қамқорлығын ояту. «Таза Қазақстан» акциясын қолдау мақсатында білім ошақтары да белсенді ат салысуда. №10-шы орта мектептің оқушылары «Көкшетау» мемлекеттік ұлттық табиғи паркінің өкілдерімен бірлесе құстарға ұя орнатты. №10 мектеп экологиялық бағыттағы білім ошағының бірі. Жыл сайын волонтерлік шараларға белсене қатысатын және қоршаған ортаға ерекше қайырымдылық танытып келеді. БИБІГҮЛ КӨПЖАСАРОВА, №10 ОРТА МЕКТЕБІ ДИРЕКТОРЫНЫҢ ТӘРБИЕ ІСІ ЖӨНІНДЕГІ ОРЫНБАСАРЫ: Мектеп алаңында «Құстарға қамқорлық жасайық» атты…

Ақмола облысы, Біржан сал ауданында Абай атындағы №2 орта мектеп базасында оқушылар арасында экологиялық мәдениетті қалыптастыруға және қоршаған ортаға ұқыпты қарауға бағытталған «Жасыл болашақ» экологиялық викторина-квесті өтті. Іс-шара интерактивті форматта ұйымдастырылып, ауданның жалпы білім беретін мектептерінің оқушыларын біріктірді. Қатысушылар командаларға бөлініп, экология, табиғатты қорғау және табиғи ресурстарды ұтымды пайдалану тақырыптарына арналған тапсырмаларды орындау арқылы кезең-кезеңімен тематикалық бекеттерден өтті. Квест бағдарламасына зияткерлік ойындар, командалық жарыстар мен шығармашылық тапсырмалар енгізілді. Мұндай формат оқушыларға өз білім деңгейін көрсетуге ғана емес, экологиялық мәселелер мен оларды шешу жолдары туралы түсініктерін кеңейтуге мүмкіндік берді. «Мұндай іс-шаралардың тәрбиелік маңызы зор, алдағы уақытта оқушылардың экологиялық сауаттылығын арттыруға бағытталған…

  «British Council» ұйымы жүргізген «Қазақстанның келешек ұрпағы» атты зерттеу нәтижелері жарияланды. Бұл зерттеу аясында ұйым әлем жастарына өз ойларын білдіруге мүмкіндік беретін «Next Generation» («Келешек ұрпақ») атты платформаны ұсынады. Оның мақсаты – жастардың даусын естіп, олардың үміттері мен қиындықтарын, сондай-ақ қоғамды өзгерту мен қалыптастырудағы рөлін түсіну. Қазақстандағы зерттеу жұмысы LSE Consulting, Орталық Азия Барометрі (ЦАБ) және жобаның Кеңесші кеңесімен серіктестік аясында жүзеге асырылды. Зерттеуге 18 бен 35 жас аралығындағы 1270 жас қазақстандық қатысты: олардың ішінде 1202 адам – репрезентативті сауалнамаға, ал 68 қатысушы – сұхбат пен фокус-топтарға тартылды. Зерттеу аясында жастардың құндылықтарының, өмірлік ұстанымдарының және оларға әсер ететін факторлардың…

Көкшетаудағы тазалық жұмыстарына 200-ге жуық студент, еріктілер мен қала тұрғындары қатысып, Бұқпа тауында қоқыс жинады. Шараға Экология департаменті, Табиғи ресурстар басқармасы және қала әкімдігі қолдау көрсетті. Бұл бастама – «Жасыл Қазақстан» және «Таза Қазақстан» бағдарламаларының жалғасы. Жыл басынан бері Ақмола облысында 463 мыңнан астам адам атсалысып, 80 мың тоннадан астам қоқыс жиналды. Сенбіліктер 11 қазанға дейін жалғасады, ал 4 қазанда ағаш отырғызу жоспарланып отыр. Акцияға Қосшы қаласы да қосылды. Бұл жолы сенбілік «Сарқырама» өзені жағасында ұйымдастырылып, қала әкімдігі тарапынан қап, қолғап, қоқыс жинауға арналған техникамен қамтамасыз етілді. Мұндай шаралар өңірде таза әрі жайлы орта қалыптастыруға, тұрғындардың экологиялық мәдениетін арттыруға бағытталған…