Басты/Главное

  🟦Қасым-Жомарт Тоқаев жалпыұлттық референдум аса жоғары деңгейде өткенін, ашық әрі әділ болғанын айтты. 🟦Президенттің пікірінше, барлық заң талаптары мен демократиялық нормалар қатаң сақталды. Мұны еліміздің және шетелдің байқаушылары да айтып отыр. – Азаматтар жасаған таңдаудың түпкілікті қорытындысын заңға сәйкес Орталық референдум комиссиясы ресми тәртіппен шығарады. Бірақ қазірдің өзінде Қазақстан халқы ынтымақ пен бірліктің, патриотизмнің, Отан тағдырына ортақ жауапкершіліктің керемет үлгісін көрсетті деп айта аламыз. Азаматтарымыздың басым бөлігі Өркендеу, Әділет, Заң мен Тәртіп, Табиғатты аялау және Тазалық жолын таңдады. Бұл – өте жақсы жол. Жаңа Халық Конституциясы елімізді тың жетістіктер мен табыстарға бастайды. Бұған ешқандай күмән жоқ. Дауыс берушілер саны…

00:09, 16 Наурыз 2026 | GMT +5 Бірінші exit poll нәтижесі: референдумда халықтың 86,7%-ы жаңа Конституцияны қолдады АСТАНА. KAZINFORM – Exit poll нәтижесінде қазақстандықтардың 86,7%-ы референдумда жаңа Ата Заңның жобасын қолдап дауыс берді. Фото: видеодан алынған скрин Еуразиялық интеграция институтының мәдіметіне қарағанда, Қазақстанның 17 облысында, Астана, Алматы және Шымкент қалаларында референдум учаскелерінен шыққан азаматтар арасында сауалнама жүргізді. – Сауалнамада 200 референдум учаскесін қамтыды. Оның ішінде 129-ы қалада, 71-і ауылды жерде орналасты. Сауалнамаға жалпы 30 мың респондент қатысты. Оларға арнайы даярланған сұхбат алушылар face-to-face әдісі арқылы сауал қойды. Зерттеу нәтижелерінің қателігі 1%-дан аспайды. Күні бойы жеті өлшем жүргізілді. Аралық қорытындылары 9:00-де,…

"СОЦИС-А" Кешенді әлеуметтік зерттеулер институты – Астана" жеке қоры Zakon.kz тапсырысы бойынша экзитпол жүргізді. "Социс-А" мамандары 2026 жылғы 15 наурызда ҚР жаңа Конституциясын қабылдау жөніндегі республикалық референдум өткен күні, дауыс беру учаскелерінен шыққан азаматтар арасында exit poll әдістемесі арқылы азаматтардың ерік білдіруінің алдын ала нәтижелерін есептеді. Сауалнама Қазақстан Республикасының 200 сайлау учаскесінде жүргізілді. Оған қатысушыларға мынадай сұрақ қойылды: "Сіз жаңа Конституцияны қабылдауды қолдап дауыс бердіңіз бе, әлде қарсы пікір білдірдіңіз бе?" Зерттеу нәтижелері: Жаңа Конституцияны қабылдауды қолдап дауыс бергенін айтқан азаматтар – сауалнамаға қатысқан, дауыс беруге қатысқан азаматтардың 87,4%-ы. Сайлау учаскелеріне келу деңгейі – 73,8%. Деректердің әлеуметтанулық қателігі ±1,5%. https://kaz.zakon.kz/kogam-tynysy/6078236-sotsisa-r-zhaa-konstitutsiyasyn-abyldau-zhnndeg-referendumday-ekzitpol-ntizhelern-zhariyalady.html

Ауданның кейбір тұрғындары түрлі себептермен күндіз өз учаскелеріне келе алмаса да, кейінірек келіп дауыс беруде. Жұмыс, қызметтік міндеттер немесе басқа да жағдайларға қарамастан, тұрғындар уақыт тауып, референдумға қатысып, өз таңдауларын жасауда. Көптеген тұрғындар үшін бұл – өз азаматтық ұстанымын білдіріп, ел болашағына үлес қосудың маңызды мүмкіндігі. Сондықтан аудан тұрғындары ел өміріндегі маңызды қоғамдық-саяси оқиғадан тыс қалмай, дауыс беруге келуді азаматтық борышы деп санайды. Күн бойы учаскелерге келушілер легі толастамай отыр: біреулер жұмыстан кейін келсе, енді біреулер үй шаруаларын аяқтаған соң келуде. Осылайша аудан тұрғындары референдум учаскелеріне келіп, өз таңдауларын жасап, азаматтық міндеттерін орындауды жалғастыруда.

Референдум учаскесіне жеке өзі келу мүмкіндігі жоқ азаматтар үшін үйде дауыс беру (көшпелі дауыс беру) ұйымдастырылды. Бұл – азаматтарға өз конституциялық құқығын үйден шықпай-ақ жүзеге асыруға берілген маңызды әрі қолайлы мүмкіндік. Мұндай формат қарт адамдарға, мүмкіндігі шектеулі жандарға, сондай-ақ дәлелді себептермен учаскеге келе алмайтын азаматтарға процеске қолжетімділікті қамтамасыз етеді. Көшпелі дауыс беру барлық белгіленген талаптар мен ашықтық қағидаттарын сақтай отырып өткізіледі, бұл әрбір сайлаушыға өз таңдауын еркін әрі сенімді түрде жасауға мүмкіндік береді. _______ Для тех, кто не имеет возможности лично посетить участок референдума, организовано выездное голосование на дому. Это важная и удобная возможность для граждан реализовать своё конституционное право,…