Вакцинация – халықтың денсаулығын қорғаудағы маңызды қадам, себебі ол жұқпалы аурулардың таралуына жол бермей, қоғамда ұжымдық иммунитет қалыптастырады. Уақтылы екпе алу – өзіңізге де, айналаңызға да қамқорлық танытудың белгісі.
Екпе – қауіпті аурулардың алдын алып, өмірді сақтап қалатын сенімді қорғаныс. Ол тек жеке адамның емес, бүкіл қоғамның денсаулығын нығайтады, аурудың ауыр асқынуынан, мүгедектік пен өлім-жітімнен қорғайды. Сондай-ақ, ұжымдық иммунитет қалыптастырады – бұл әсіресе балалар мен егде жастағы адамдар үшін маңызды. «Ауырып ем іздегенше, ауырмайтын жол ізде», – екпенің мәні осы.
Вакциналар Ұлттық екпе күнтізбесіне енгізілген және тегін жүргізіледі. Мемлекет ұсынатын тегін екпелер – халықтың денсаулығына салынған маңызды инвестиция.
Инфекциялық аурулардың алдын алу шараларын іске асыру шеңберінде «Біржан сал ауданының ауруханасы» ШЖҚ КМК-да халықты, оның ішінде адам папилломавирусына (АПВ) қарсы тегін вакцинациялау жүргізілуде.
Бүгінгі күні АПВ-ға қарсы 124 мектеп жасындағы қыз бала вакцина алды.
Вакцинация – келесі аурулардың алдын алудың ең тиімді тәсілдерінің бірі:
адам папилломавирусы (АПВ), қызылша, дифтерия,сіреспе, В гепатиті, туберкулез, көкжөтел,пневмококк инфекциясы және т.б.
Уақтылы вакцинация жұқпалы аурулардың таралуын тоқтатып, ұжымдық иммунитетті қалыптастырады. Сондықтан әр азамат өз денсаулығына жауапкершілікпен қарап, екпе алуы – қоғам үшін де, болашақ үшін де үлкен үлес.
Дина АҚЫШЕВА.
