Ауданда тұрғындарды Қазақстан Республикасының Конституциясы жаңа жобасымен таныстыруға және 15 наурызда өтетін жалпыхалықтық референдумға дайындыққа бағытталған кең ауқымды ақпараттық-түсіндіру жұмыстары жалғасуда. Халықпен кездесулер бекітілген кестеге сәйкес өткізіліп, аудан орталығының еңбек ұжымдарын да, ауылдық округтердің тұрғындарын да қамтуда. Аталған іс-шаралардың негізгі мақсаты – ұсынылып отырған конституциялық өзгерістердің мәнін жан-жақты түсіндіру, олардың мемлекеттің одан әрі дамуы үшін маңызын жеткізу, сондай-ақ азаматтардың белсенді азаматтық ұстанымын қалыптастыру болып табылады.
Кездесулер барысында әділеттілік пен заңдылық қағидаттарын нығайтуға, мемлекеттік органдардың қоғам алдындағы жауапкершілігін арттыруға, азаматтардың мемлекет басқаруына қатысу мүмкіндіктерін кеңейтуге және азаматтық қоғамның рөлін күшейтуге бағытталған Конституция жобасының негізгі ережелерін түсіндіруге ерекше назар аударылуда. Жүргізіліп жатқан жұмыстың маңызды бағыты – тұрғындар өздерін толғандырған сұрақтарға жауап алып, пікір алмасуға мүмкіндік беретін ашық диалог алаңдарын ұйымдастыру.
Жаңа Конституцияны талқылауға арналған келесі кездесу Қоғам ауылында өтті. Іс-шара барысында елдің негізгі заңына енгізілетін өзгерістер және олардың азаматтардың күнделікті өміріндегі маңызы жан-жақты түсіндірілді. Кездесудің спикері ретінде «AMANAT» партиясы филиалының атқарушы хатшысы Азамат Әутенов сөз сөйледі. Ол өз баяндамасында жаңа жобаның мақсаттары мен міндеттеріне кеңінен тоқталып, ұсынылып отырған өзгерістер демократиялық институттарды одан әрі дамытуға, әділеттілік қағидаттарын нығайтуға және азаматтардың құқықтары мен бостандықтарын сенімді қорғауға бағытталғанын атап өтті. Сонымен қатар азаматтық қоғамның рөлі мен тұрғындардың қоғамдық-саяси өмірге белсенді қатысуының маңыздылығы ерекше айтылды.
Ауыл тұрғындары талқылауға белсенді қатысты. Кездесу барысында нақты өзгерістерге, оларды іске асыру тетіктеріне және әлеуметтік-экономикалық дамуға әсеріне қатысты сұрақтар қойылды. Қатысушылар осындай кездесулердің маңыздылығын атап өтіп, олар шынайы ақпарат алуға және өз пікірлерін қалыптастыруға мүмкіндік беретінін айтты.
Түсіндіру жұмыстарының жалғасы ретінде 12 ақпанда Еңбекшілдер ауылында «Конституция – қоғам негізі» тақырыбында кездесу өтті. Іс-шараға ауыл тұрғындары, қоғам өкілдері және жергілікті өзін-өзі басқару органдарының өкілдері қатысты. Кездесуде аудандық мәслихат депутаты Қаршыға Қайдаров баяндама жасады. Ол өз сөзінде Конституция тек мемлекеттің негізгі заңы ғана емес, сонымен қатар қоғамдық келісім мен тұрақтылықтың негізі екенін атап өтті. Оның айтуынша, ұсынылып отырған өзгерістер мемлекеттік басқару жүйесін жетілдіруге, заңдылық пен теңдік қағидаттарын нығайтуға және мемлекеттің азаматтар алдындағы жауапкершілігін арттыруға бағытталған. Депутат жаңа Конституция жобасының негізгі ережелеріне кеңінен тоқталып, ұсынылған өзгерістерді жүзеге асыру елдің тұрақты дамуына, әлеуметтік әділеттілікті нығайтуға және халықтың өмір сүру сапасын арттыруға ықпал ететінін айтты.
Кездесу барысында тұрғындар талқылауға белсенді қатысып, өз сұрақтарын қойды. Әсіресе әр азаматтың мемлекет үшін стратегиялық маңызы бар шешімдерді қабылдауға саналы түрде қатысуының маңыздылығы атап өтілді.
13 ақпанда «Жаңа Конституция – жаңа мүмкіндіктер» тақырыбында Аңғал батыр ауылында кездесу өтті. Іс-шара іскерлік әрі сындарлы жағдайда өтіп, ауылдың белсенді тұрғындарын жинады. Кездесу барысында жаңа Конституция жобасының негізгі бағыттары және алдағы референдумның халық еркін тікелей білдірудің маңызды тетігі ретіндегі маңызы жан-жақты түсіндірілді.
Тұрғындар алдында «AMANAT» партиясы филиалының атқарушы хатшысы Азамат Әутенов пен Қоғамдық кеңес мүшесі Миргүл Аяғанова сөз сөйледі. Олар өз баяндамаларында ұсынылып отырған өзгерістер қоғамдық келісімді нығайтуға, мемлекеттің әлеуметтік жауапкершілігін арттыруға және елдің одан әрі дамуына жағдай жасауға бағытталғанын атап өтті. Сонымен қатар спикерлер азаматтардың құқықтары мен міндеттері туралы айтып, тұрғындардың қоғамдық өмірге белсенді қатысуының маңыздылығын ерекше атап өтті. Ауыл тұрғындары талқыланып жатқан тақырыпқа үлкен қызығушылық танытты. Қойылған сұрақтар Конституция жобасының жекелеген ережелеріне де, оларды іске асырудың практикалық қырларына да қатысты болды. Барлық қатысушыларға жан-жақты жауаптар берілді.
16 ақпанда кезекті кездесу Андықожа батыр ауылында өтті. Іс-шара барысында жаңа Конституция жобасының негізгі ережелері және алдағы референдумның маңызы талқыланды. Тұрғындар алдында «AMANAT» партиясы филиалының атқарушы хатшысы Азамат Әутенов пен Қоғамдық кеңес мүшесі Миргүл Аяғанова сөз сөйледі.
Спикерлер ұсынылып отырған өзгерістердің негізгі бағыттарын, олардың елдің одан әрі дамуы үшін маңызын, әділеттілік пен заң үстемдігі қағидаттарын нығайтудағы рөлін кеңінен түсіндірді. Азаматтардың референдумға қатысу мәселесіне ерекше назар аударылды. Саналы таңдау арқылы мемлекеттің болашағы қалыптасатыны және азаматтық қоғамның рөлі нығаятыны атап өтілді. Кездесу ашық әрі сындарлы жағдайда өтті. Ауыл тұрғындары өздерін толғандырған сұрақтарын қойып, пікірлерімен бөлісті.
17 ақпанда тұрғындармен кездесу Тасшалқар ауылында өтті. Кездесудің негізгі тақырыбы конституциялық өзгерістер және олардың мемлекеттің дамуына әрі азаматтардың өміріне әсері болды. Іс-шара барысында қатысушыларға әділеттілік қағидаттарын нығайтуға, заң үстемдігін қамтамасыз етуге және азаматтардың шешім қабылдауға қатысу мүмкіндіктерін кеңейтуге бағытталған жаңа Конституция жобасының негізгі ережелері жан-жақты түсіндірілді. Сонымен қатар адам құқықтары мен бостандықтарын қорғау, өңірлерді дамыту және мемлекеттік басқару жүйесін жетілдіру мәселелеріне ерекше назар аударылды.
Кездесу қатысушылары жаңартылған Конституция әділетті әрі тұрақты мемлекет құру жолындағы маңызды қадам екенін атап өтті. Тұрғындардың пікірінше, алдағы референдум әр азаматқа елдің болашағына өз үлесін қосуға мүмкіндік беретін маңызды оқиға болып табылады.
Ауданда жүргізіліп жатқан ақпараттық-түсіндіру жұмыстары халықтың құқықтық сауаттылығын арттыруға және белсенді азаматтық ұстанымды қалыптастыруға ықпал етуде. Осындай кездесулер тұрғындарға нақты ақпарат алып, өзекті мәселелерді талқылауға және саналы шешім қабылдауға мүмкіндік береді.
Алдағы референдум елдің қоғамдық-саяси дамуының маңызды кезеңі және халықтың мемлекет тағдырына қатысты маңызды мәселелерді шешуге қатысуының айқын көрінісі болмақ. Азаматтардың референдумға белсенді қатысуы Қазақстан Республикасының бүгіні мен болашағына деген жауапкершіліктің белгісі болып табылады.
Дина АҚЫШЕВА.
